Novak Djokovic నిజాయతీ.. కుర్ర కోచ్‌కి గురుదక్షిణగా తన రాకెట్

https://ift.tt/3pSFTFz

ఫ్రెంచ్ ఓపెన్ టైటిల్ విజేత, సెర్బియా స్టార్ నొవాక్ జకోవిచ్ మరోసారి తన నిజాయతీతో అభిమానుల మనసులు గెలుచుకున్నాడు. సిట్సిపాస్‌తో తాజాగా జరిగిన ఫైనల్ మ్యాచ్‌లో తొలి రెండు సెట్లని చేజార్చుకున్న జకోవిచ్.. అనంతరం పుంజుకుని విజేతగా నిలిచాడు. అయితే.. తాను రెండు సెట్లు చేజార్చుకుని వెనకబడిన దశలో స్టాండ్స్‌లోని ఓ కుర్రాడు తనకి సాయం చేసినట్లు జకోవిచ్ నిజాయతీగా అంగీకరించాడు. ఈ క్రమంలో మ్యాచ్ ముగిసిన తర్వాత ఆ కుర్రాడికి తన రాకెట్‌ని జకోవిచ్ బహుమతిగా అందజేశాడు. ‘‘ఆ కుర్రాడు నాకు కోర్టులో లైవ్ కోచింగ్ ఇచ్చాడు. సిట్సిపాస్‌‌ని ఎక్కువగా బ్యాక్‌హ్యాండ్‌పై ఆడించు.. సర్వీస్ నిలబెట్టుకో లాంటి సూచనలు నా చెవిన పడ్డాయి. రెండు సెట్లు చేజారిన తర్వాత మళ్లీ నేను గేమ్‌లో పుంజుకునేందుకు ఆ కుర్రాడి సూచనలు నాకు ఎంతో ఉపయోగపడ్డాయి. ఈ కారణంగానే మ్యాచ్ ముగిసిన తర్వాత నా రాకెట్‌ని అతనికి ఇచ్చా’’ అని జకోవిచ్ వెల్లడించాడు. ఆరాధ్య ఆటగాడి నుంచి ప్రశంసలే కాకుండా రాకెట్ కూడా దక్కడంతో ఆ కుర్రాడు ఆనందంతో గంతులేస్తూ.. భావోద్వేగానికి గురయ్యాడు. మ్యాచ్ తర్వాత మీడియా సమావేశంలో ఆ కుర్ర కోచ్‌ గురించి జకోవిచ్ ప్రత్యేకంగా ప్రస్తావించడం విశేషం.

CreditsKabaddi News, Football, Tennis, Hockey News, Badminton, More Sports News in Telugu