Barbora Krejcikova ఫైనల్ తొలిసారే టైటిల్.. ఫ్రెంచ్ ఓపెన్ మహిళల విజేతగా చెక్ అమ్మాయి

https://ift.tt/3zlR6mk

ఫ్రెంచ్‌ ఓపెన్‌ మహిళల సింగిల్స్ టైటిల్‌ను చెక్ క్రీడాకారిణి గెలుపొందింది. శనివారం హోరాహోరీగా ఫైనల్లో 6-1, 2-6, 6-4తో రష్యాకు చెందిన 31వ సీడ్‌ పవ్లిచెంకోవాపై విజయం సాధించింది. ఇద్దరికీ గ్రాండ్‌స్లామ్‌లో ఫైనల్‌ చేరడం తొలిసారి కాగా.. క్రెజికోవా-పవ్లిచెంకోవా హోరాహోరీగా తలపడ్డారు. ఆట ఆరంభంలో ప్లవిచెంకోవా సర్వీసు నిలబెట్టుకుని పాయింట్ సాధించినా.. ఆరంభం నుంచి దూకుడుగా ఆడిన బార్బారా ఆమెకు అవకాశం ఇవ్వలేదు. పదే పదే నెట్ పాయింట్లు సాధించిన క్రెజికోవా నాలుగు, ఆరు గేముల్లో పవ్లిచెంకోవా సర్వీస్‌‌ను బ్రేక్‌ చేసి తొలి సెట్‌‌ను సునాయాసంగా గెలిచింది. కానీ రెండో సెట్‌లో పవ్లిచెంకోవా విజృంభించింది. వరుసగా మూడు గేమ్‌లు గెలిచి 3-0 ఆధిక్యంలో నిలిచిన పవ్లిచెంకోవా అదే జోరుతో 6-2తో సెట్‌‌ను కైవసం చేసుకుంది. ఇక నిర్ణయాత్మక చివరి సెట్ ఇద్దరూ మరింత దూకుడు ప్రదర్శించారు. ఎవరి సర్వీస్‌ను వారు నిలబెట్టుకోవడంతో స్కోర్లు సమం అవుతూ వచ్చాయి. ఇద్దరూ బ్రేక్‌ పాయింట్లు సాధించడంలో విఫలమయ్యారు. కానీ ఏడో గేమ్‌లో ప్రత్యర్థి సర్వీస్‌ బ్రేక్‌ చేసిన బార్బారా 4-3తో ఆధిక్యంలోకి వెళ్లింది. ఆ తర్వాత క్రెజికోవాకు రెండుసార్లు మ్యాచ్ ముగించే అవకాశం వచ్చినా పవ్లిచెంకోవా సర్వీస్‌ నిలబెట్టుకుంది. పదో గేమ్‌లో టైటిల్‌ కోసం సర్వీస్‌ చేసిన క్రెజికోవా.. ఆరంభంలో కాస్త తడబడింది. కానీ వెంటనే తేరుకున్న ఆమె 40-15తో విజయం ముంగిట నిలిచింది. ఆ తర్వాత పవ్లిచెంకోవా ఓ షాట్‌ కోర్టు బయటకు కొట్టేయడంతో క్రెజికోవా మ్యాచ్‌తో పాటు టైటిల్‌ను సొంతం చేసుకుంది. గ్రాండ్‌స్లామ్ ఫైనల్ చేరిన తొలిసారే టైటిల్ గెలిచిన అమ్మాయిగానూ, 1981 తర్వాత ఫ్రెంచ్‌ ఓపెన్‌ మహిళల సింగిల్స్‌ ఛాంపియన్‌గా నిలిచిన తొలి చెక్‌ అమ్మాయిగానూ రికార్డులకెక్కింది. ప్రస్తుతం 33వ ర్యాంకులో ఉన్న క్రెజికోవా.. టైటిల్ నెగ్గడంపై ఉద్వేగానికి గురయ్యారు. మ్యాచ్‌లో గెలిచిన వెంటనే నాలుగేళ్ల కిందట క్యాన్సర్‌తో పోరాడి కన్నుమూసిన తన గురువు జానా నోవోట్నాకు నివాళి అర్పించారు. ఆమె చివరి రోజుల్లో క్రెజికోవా వెన్నంటే ఉన్నారు. ‘అక్షరాలా ఆమె నాకు చెప్పిన చివరి మాటలు గ్రాండ్‌స్లామ్ గెలిచి ఆనదించాలి అన్నారు.. పైన ఉన్న నా గురువు గత రెండు వారాలుగా నన్ను చూస్తున్నారని నేను భావించాను. ఇదంతా ఆమె వల్ల జరిగింది’ అని వ్యాఖ్యానించారు.

CreditsKabaddi News, Football, Tennis, Hockey News, Badminton, More Sports News in Telugu